நீங்கள் தேடியது "மிட்செல் ஜான்சன்"

தென்ஆப்பிரிக்காவிற்கு எதிராக கேப் டவுனில் நடைபெற்ற டெஸ்ட் போட்டியின்போது ஆஸ்திரேலியா பேட்ஸ்மேன் பான் கிராப்ட் பந்தை சேதப்படுத்தியது தெரிய வந்தது. இதற்கு மூளையாக செயல்பட்டது வார்னர் என்றும், இந்த விவகாரம் கேப்டன் ஸ்மித்திற்கு தெரியும் என்று விசாரணையில் தெரிய வந்தது.

இதனால் ஸ்மித், வார்னர் ஆகியோருக்கு தலா ஓராண்டு தடையும், பான்கிராப்ட்டிற்கு 9 மாதம் தடையும் விதித்தது ஆஸ்திரேலியா கிரிக்கெட் வாரியம். ஸ்மித், வார்னர் இல்லாமல் ஆஸ்திரேலியா தொடர்ந்து தோல்வியை சந்தித்து வந்தது. இதனால் இருவர் மீதான தடையை நீக்க வேண்டும் என்ற கோரிக்கை வலுத்து வந்தது.

இதுகுறித்து இந்த வாரத்திற்குள் முடிவு எடுக்கப்படும் என்ற ஆஸ்திரேலியா கிரிக்கெட் வாரியம் தெரிவித்துள்ளது. மூவரின் தடைக்காலத்தை குறைப்பதற்கு அதிக வாய்ப்புள்ளது. அவர்கள் உள்ளூர் தொடரின் கடைசி ஆட்டத்தில் விளையாட முடியும் என்று கிரிக்கெட் நிருபர் ஒருவர் ட்வீட் செய்திருந்தார்.

அதற்கு முனன்னாள் ஆஸ்திரேலிய வேகப்பந்து வீச்சாளரான மிட்செல் ஜான்சன் பதில் ட்வீட் செய்திரந்தார். அதில் ‘‘மூன்று வீரர்கள் தடை பெற்றிருக்கிறார்கள் என்று நான் நினைக்கிறேன். அவர்கள் தண்டனை குறைக்கப்படும் என்ற செய்தி முன்னோக்கிச் சென்றால், பான்கிராப்ட் தண்டைனை குறைக்கப்படும் அளவிற்கு ஸ்மித் மற்றும் வார்னரின் தண்டனை குறைக்கப்படலாம். மூன்று பேரும் அவர்களுடையை தண்டனையை ஏற்றுக் கொண்டார்கள். அதை எதிர்த்து முறையீடு செய்யவிலலை. ஆகவே, தடைக்காலம் தொடர்ந்து நீடிக்க வேண்டும்’’ என்று பதிவிட்டுள்ளார்.

I thought 3 players were banned 🤔So does that mean Cameron Bancroft’s ban will be reduced to the same amount as Smith & Warner if it goes ahead? They all accepted their bans & didn’t contest it so I think the bans should stay https://t.co/9IoCfjl3P5

— Mitchell Johnson (@MitchJohnson398) November 18, 2018

பாகிஸ்தான் - ஆஸ்திரேலியா இடையிலான 2-வது டெஸ்ட் அபு தாபியில் நடைபெற்று வருகிறது. நேற்றைய முதல் நாள் ஆட்டத்தில் பாகிஸ்தான் 282 ரன்கள் எடுத்து ஆல்அவுட் ஆனது. ஆஸ்திரேலியாவின் சுழற்பந்து வீச்சாளரான நாதன் லயன் 6 பந்தில் நான்கு விக்கெட்டுக்கள் வீழ்த்தினார்.

இதன்மூலம் டெஸ்ட் போட்டியில் 80 ஆட்டங்களில் 314 விக்கெட்டுக்கள் வீழ்த்தி, அதிக விக்கெட்டுக்கள் வீழ்த்திய ஆஸ்திரேலிய வீரர்கள் பட்டியலில் மிட்செல் ஜான்சனை பின்னுக்குத் தள்ளியுள்ளார்.

மிட்செல் ஜான்சன் 73 போட்டிகளில் விளையாடி 313 விக்கெட்டுக்கள் வீழ்த்தி ஐந்தாவது இடத்தில் உள்ளார். நாதன் லயன் 314 விக்கெட்டுக்களுடன் 4-வது இடத்தை பிடித்துள்ளார்.

ஷேன் வார்னே 145 போட்டியில் 708 விக்கெட்டுக்களுடன் முதல் இடத்திலும், மெக்ராத் 124 போட்டியில் 563 விக்கெட்டுக்களுடன் 2-வது இடத்திலும், லில்லீ 355 விக்கெட்டுக்களுடன் 3-வது இடத்திலும் உள்ளனர்.

ஆஸ்திரேலியா அணியின் முன்னணி இடது கை வேகப்பந்து வீச்சாளராக திகழ்ந்தவர் மிட்செல் ஜான்சன். கடந்த 2015-ம் ஆண்டு சர்வதேச கிரிக்கெட்டில் இருந்து விலகினார். ஆனால் டி20 லீக் தொடரில் விளையாடி வந்தார்.

பிக்பாஷ் தொடரில் பெர்த் ஸ்கார்ச்செர்ஸ் அணிக்காக விளையாடி வந்தார். பிக்பாஷ் தொடரில் இருந்து ஓய்வு பெறுவதாக ஏற்கனவே அறிவித்திருந்தார். ஆனால் ஐபிஎல் போன்ற டி20 லீக் தொடரில் தொடர்ந்து விளையாடுவேன் என்று கூறினார்.



இந்நிலையில் ஒட்டுமொத்த கிரிக்கெட்டிலும் இருந்து ஓய்வு பெறுவதாக தெரிவித்துள்ளார். 36 வயதாகும் மிட்செல் ஜான்சன் ஆஸ்திரேலியா அணிக்காக 153 ஒருநாள் போட்டிகளில் விளையாடி 239 விக்கெட்டுக்களும், 30 டி20 போட்டியில் 38 விக்கெட்டுக்களும் வீழ்த்தியுள்ளார். 73 டெஸ்ட் போட்டியில் மூன்று முறை 10 விக்கெட், 12 முறை ஐந்து விக்கெட்டுக்களுடன் 313 விக்கெட்டுக்கள் சாய்த்துள்ளார்.

ஆஸ்திரேலியா அணியின் முன்னணி வேகப்பந்து வீச்சாளராக திகழ்ந்தவர் மிட்செல் ஜான்சன். 37 வயதாகும் இவர் சர்வதேச போட்டியில் இருந்த ஓய்வு பெற்றாலும் உலகளவில் நடைபெறும் பெரும்பாலான டி20 லீக் தொடரில் விளையாடி வருகிறார்.

ஆஸ்திரேலியாவில் நடைபெறும் பிக் பாஷ் டி20 லீக் தொடரில் பெர்த் ஸ்கார்ச்செர்ஸ் அணிக்காக விளையாடி வந்தார். இந்த அணி 2016-17 சீசனில் சாம்பியன் கோப்பையை கைப்பற்ற முக்கிய காரணமாக இருந்தார்.



இவர் தற்போது பிக் பாஷ் தொடரில் இருந்து ஓய்வு பெறுவதாக கூறியுள்ளார். ஆனால், ஐபிஎல் தொடர் குறித்து எந்த தகவலையும் தெரிவிக்கவில்லை.

பிக் பாஷ் டி20 லீக்கில் 19 போட்டிகளில் விளையாடி 20 விக்கெட்டுக்கள் வீழ்த்தியுள்ளார். மெல்போர்ன் ஸ்டார்ஸ் அணிக்கெதிராக 3 ரன்கள் விட்டுக்கொடுத்து 3 விக்கெட்டுக்கள் கைப்பற்றியது குறிப்பிடத்தக்கது.